Bulan: Juni 2024

Agam, Terasnagarinews.com
Dalam realita kehidupan masyarakat Minangkabau yang sebenarnya, konsep budaya Minangkabau ini sudah tersosialisasikan dan tertanamkan dalam diri masyarakat, seberapa jauh perempuan Minang menghayati sifat yang melekat pada Bundo Kanduang seperti yang dilukiskan dalam Kato Pusako.

Perempuan Minangkabau dilambangkan dengan predikat bundo kanduang. Dia adalah figur sentral dalam keluarga, secara harfiah disebut sebagai ibu kandung, seperti seorang pemimpin non formal bagi seluruh perempuan dan anak cucu di suatu kaum, maka dari itu perempuan di Minangkabau bisa dibilang sangat terhormat.

Sementara di minangkabau sendiri berlaku istilah-istilah berupa kiasan halus, dan sifat-sifat perempuan yang isinya berupa nasehat,

1. Perempuan Barau Barau, Ilia ota mudiak bagunjiang, mangecek asa tangango, rundiang bunyi piluru, galaknyo badaram daram, ado kalonyo dak tau ujuang jo pangka. Urang kanai tak diagak, baa muncuang co rapak piuah. Ba kulialiak incek mato, bajagangan urek lihia nyo, itu tabiat dak tapuji. Buruak sipaik sumbang kurenah.

2. Perempuan Layang layang, Lah galik dek buruang layang-layang, alun tasingik matoari, alun tantu ari ka siang, nyo bagageh kalua sarang. Layok malayok di udaro, layang malayang ilia mudiak, baradai maliuak liuak, bapacu gadang samo gadang. Pueh mambumbuang masuak awan inyo manukiak tajun randah. Semba suok lalah ka kida, alah sanjo baru nyo pulang, simbol parampuan nan suko kalua rumah

3. Perempuan lawah lawah, Kalau layang-layang suko malala, mako lawah-lawah jinak di rumah. Satapak indak kalua, salangkah haram baranjak, gilo tagak di janjang pintu, gilo mananti tamu sasek inggok, dibuek sarang bakulindan, aluih bagatah bajirumek, wujuiknyo jaruang bakambangkan, panahan jarek di nan langang. Bantuak nyo cando ka mati, malangkah taregek-egek, barek tandan sarik bakisa, tapi niat salah pangana sumbang, paham jaek mungkasuik buruak, sia nan lalu sia tapakiak, tiok nan singgah jadi bangkai, disasok darah jo dagiang dicucuik sampai kabanak, lah karabang ditinggakan nyo.

Kok tibo di manusia tasuo bakeh padusi, itulah gadih pangeretan mato duitan istilah nyo.

4. Perempuan Anai Anai, Sipaik buruak di anai-anai, mudah tarambao jo rayuan, gilo bagadang ati sajo, alun dijujai nyo lah galak, alun digabik lah manuruik, indak dikana mularaik nyo. Cubo paratikan elok-elok, ambiak iktibar jo tuladan, siang tabanam dalam sauang, indak maliek matoari ari lah malam baru kalua, dari jauah nampak cahayo lalu bakaja dakek lampu, bamain basuko-suko, kurang ampia batambah ampia, lah dakek baniak inggok, angek taraso bakuliliang manyiga ka batang tubuah, tapi dek jarang maliek cahayo disangko tabuak ka subaliak, kiro nyo api nan tagagai, badan anguih sayok mambaro, tabangkai jatuah kabawah. Dek rombongan nan baru tibo, lah nyato maik balampaian marampak mati tabaka, bahondoh juo masuak lampu bamain jo api nan taragang, akia nyo sansaro pulo.

5. Perempuan Ramo Ramo, Iko lah nan ka ditiru, dicontoh ditauladani lambang nak gadih minang kabau. Awak elok bulu baminyak, sayok babungo baliak balah, jinak bak raso ka tacakau, lia nyo alah hurabi, urang lah mati galinggaman. Inggok nyo basikua-sikua, tabang nyo bakawan kawan, bakutiko mangko kalua, basamo baru nyo nampak, bamain bukan sumbarang main, tapi bamain kahalai bungo, batandang ka banang sari. Dek arif pandai batenggang haluih lunak baok an badan, mangko daun pangarang tak tagoyang, silaro indak nyo gugua tangkai nan mintak di inggoki baitu budi ramo-ramo.

Kalau awak gadih babudi nak, bataratik di dalam rumah, sopan santun kalau di lua, pandai basegeh jo badandan, kama pai musti batantu, saizin buliah bajalan, jaleh tujuan jo mungkasuik bukan malala dak karuan, bergaul jo nan samo gadang, rapek-i nan tuo-tuo, cari nan panjang pangalaman, dak batukuak tambah ilmu awak. Jikok mambali kaparaluan, sasuaikan jo kabutuhan, ukua tanago ekonomi, sapanjang tubuah bayang-bayang, sabab malabiahi ancak-ancak mangurangi sio-sio, jauahkan ongeh jo takabua. Tansano awak buruang pipik nak, ulek daun ka jatah awak buah rumpuik bateh rasaki, jan dicito makanan anggang, sok kato rang kota, pondik kecek rang kampuang, overdosis istilah dokter badan kau juo manangguangkan.

(**)